சிங்கார வேலனே தேவா

இசைக்குயில் ஜானகியம்மா ரசிகர்கள் அனைவருக்கும் என் முதல் வணக்கம். நான் ஜானகியம்மா யாகூ ரசிகர் குழுவில் சேர்ந்து சில மாதங்கள் தான் ஆகின்றன. அவரின் ரசிகர்களூக்காக அவர் பாடிய பாடல்களை தேர்ந்தெடுத்து என்னை மிகவும் கவர்ந்த பாடல்கள் தரவேண்டும் என்ற என் நீண்டநாள் கனவு. இந்த தளம் இணைய நண்பர்களூக்காக
ஏற்படுத்தப்பட்ட தளம் இணைய தளத்தில் பல ஆன்லைன் தளங்கள் இருந்தாலும் இவை உங்களூக்கு வித்தியாசம இருக்கும் என்று நினைக்கிறேன். ஏற்கெனவே திரு.சரண் ஓர் தளம் ஏற்படுத்தியுள்ளார். அவருக்கு என் வாழ்த்துக்களை தெரிவித்துக்கொள்கிறேன்.

அம்மாவின் பாடல்களை நான் வழங்கும் பாடல்கள் எல்லோரும் பல தடவை கேட்டிருப்பீர்கள் பாடல்களும் வைத்துருப்பீர்கள். இருந்தாலும் அவர் இந்த இசை உலகத்திற்கு தன் இனிய குரலால் வழங்கிய அமிர்தமான பாடல்களை திரும்பவும் தங்களூக்கு வழங்குவதில் பெருமையடைகின்றேன்.

அம்மா அவர்கள் பலருடன் பாடிய காதல் பாடல்கள், தனிமை பாடல்கள், பக்திப்பாடல்கள் யாவற்றையும் ஒவ்வொன்றாக வழங்குவதில் மகிழ்ச்சியடைகின்றேன். உங்களில் பலபேர் வேண்டுகோளுக்கிணங்கவும், என் நண்பர்களூக்காகவும் இந்த பதிவை தொடங்கியுள்ளேன்.
இன்று முதல் பதிவு ஆகையால் ஓர் கடவுள் பாடல் கேட்கலாம்.

என் இஷ்டதெய்வமான முருக கடவுள் மீது அவர் பாடிய ஓர் பாடல். இந்த பாடலை நான் எப்போது கேட்டாலும் என் உடலில் ஓர் வித இனம் புரியாத புத்துணர்ச்சி தோன்றி மெய்சிலிர்க்க வைக்கும். என்ன காரணம் என்று தெரியவில்லை தன் இனிய குரலால் பாடிய ஜானகியம்மாவின் குரலை சொல்லவதா?, இசையமைப்பை பற்றி சொல்வதா? நாதஸ்வரமும், தவிலின் இசையுடன், அம்ம்பாவின் குரலும் பாடலில் ஒவ்வொன்றும் போட்டி போட்டி என் மனதை கொள்ளைக்கொண்டுபோயின. யாரைத்தான் அடிமையாக்கவில்லை இந்தபாடல்.
நாம் எத்தனை தடவை கேட்டாலும் சிறிதும் சலிக்கவைக்காத பாடல் இது. இந்த தளத்தின் முதல் பாடலாக வருகிறது கொஞ்சும் சலங்கை படத்தில் வரும் இந்த பாடலுகு நடித்த நடிகர் ஜெமினி கனேசனும், சாவித்திரியும் பாடலில் ஒன்றிப்போய் நம்மையும் நடிக்கவைத்திருப்பார்கள். எனக்காக இந்த பாடலை மறுமுறை கேளுங்கள்.

முதல் தடவையாக இந்த பாடலை பாடிய ஜானகியம்மா அவர்களூக்கும், எனது நண்பர்கள் திரு. எஸ்.பாலு, திரூ. ஜி. தாசரதி, திரு.ராதகிருஷ்னன், திரு.ஸ்ரீகாந்த், திரு.பெஞ்சமின் மற்றும் குழு உறுப்பினர்கள் அனைவருக்கும் சமர்ப்பணம் செய்கின்றேன். போட்டோ அனுப்பிவைத்த தாசரதி சாருக்கு நன்றி.

மேலும் இந்த ஒலிக்கோப்பின் தரம் சிறிது குறைவாக இருந்தாலும் கேட்பதற்க்கு இனிமையாக இருக்கும். பாடல் நடுவில் வரும் ஸ்வரங்கள், ஜதிகள் மற்றும் ஆலாபனைகள் தவறாக எழுதிவிடக்கூடாது என்ற ஆசையில் பாடலில் துவக்கத்தில் வரும் வசணத்தை மட்டும் எழுதியுள்ளேன். பாடலின் நாதஸ்வர இசையும், தவில் இசையும் இனிமையும் கேட்பவருக்கு இடைஞ்சலாக இருக்ககூடாது என்ற என்னத்தினாலும் பாடல் வரிகளை தவிர்த்துவிட்டேன். இனிவரும் பாடல்களில் பாடல் வரிகள் பதிய முயற்சி செய்கின்றேன். பாடலை கேட்டு குறைகளை தயங்காமல் இந்த பதிவில் கீழ் வரும் பெட்டியில் வழங்கினால் நான் தவறுகளை திருத்திக்கொள்ள வாய்ப்பாக இருக்கும். இந்த பாடலின் பதிவின் போது அறிய தகவல்கள் தங்களூக்கு தெரிந்திருக்கும் தெரிந்தவர்கள் பகிர்ந்துகொள்ளாலாம் பாடலை கேளூங்கள் மகிழ்ச்சியாக இருங்கள்.

குறிப்பு: இது தமிழ் ப்ளாக் தமிழ் ஜானகி இணைய தள ரசிகர்களூக்காக ஏற்படுத்தப்பட்டது. ஆங்கிலத்திலும் அவ்வப்போது வரும். ஆகையால் யாரும் வருத்தப்படக்கூடாது. தமிழில் எழுதினால் நான் ரசித்ததை அப்படியே எழுத முடியும் என்ற நம்பிக்கை. இதில் வேறு எந்தவித காரணமும் இல்லை. ஆகையால் உங்கள் ஆசிர்வாதத்தை தாருங்கள்.

இந்த பாடலைப்பற்றி விட்டுப்போன அறிய பல தகவல்கள் இணையதள நண்பர்கள் பகிந்துள்ளார்கள் சுட்டியை தட்டி பார்க்கவும். இந்த தளத்தின் பதிவாளருக்கு நன்றி.

http://muruganarul.blogspot.com/2007/01/blog-post_13.html

படம்: கொஞ்சும் சலங்கை
நடிகர்: திரூ.ஜெமினி கனேசன், சாவித்திரி
பாடியவர்: இசைக்குயில் எஸ்.ஜானகி
இசை: திரு. எஸ்.வி.சுப்பையா நாயுடு
நாதஸ்வரம்: திரு,காரைக்குறிச்சி அருனாசலம்


சாந்தா உட்கார்
ஏன் பாட்டை நிறுத்திவிட்டாய்
உன் இசை என்ற இன்ப வெள்ளத்திலே
நீந்துவதற்க்கு ஓடோடி வந்த என்னை
ஏமாற்றிவிடாதே சாந்தா.

என்னங்க, உங்கள் நாதஸ்வரத்திற்கு முன்னாள்

தேனோடு கலந்த தென்னமுதம்,
கோலநிலவோடு சேர்ந்த குளிர்தென்றல்,
இந்த சிங்கார வேலன் சந்நிதியில்
நமது சங்கீத அருவிகள் ஒன்று சேரட்டும்
பாடு சாந்தா பாடு.

சிங்கார வேலனே தேவா

Get this widget | Share | Track details